To‘plamning asosiy maqsadi O‘zbekiston hududida amalga oshirilayotgan arxeologik tadqiqotlarning yangi natijalarini ilmiy muomalaga kiritish, mamlakat arxeologik merosini ilmiy o‘rganish, hujjatlashtirish, saqlash va keng ilmiy jamoatchilikka yetkazishga ko‘maklashishdir.

To‘plam quyidagi asosiy ilmiy yo‘nalishlardagi materiallarni qamrab oladi:

• paleolit, mezolit va neolit arxeologiyasi
• eneolit va bronza davri
• ilk temir davri
• antik davr
• ilk va rivojlangan o‘rta asrlar
• tarixiy shaharlar va urbanizatsiya
• qadimgi va o‘rta asr me’morchiligi va fortifikatsiya
• dafn marosimlari va bioarxeologiya
• qoyatosh san’ati
• numizmatika va epigrafika
• arxeologik keramika va arxeometallurgiya
• fizik antropologiya
• arxeobotanika va arxeozoologiya
• geoarxeologiya va paleoekologiya
• arxeometriya va radiokarbon tahlillari
• GIS, arxeologik kartografiya va masofadan zondlash
• raqamli arxeologiya
• konservatsiya va restavratsiya
• muhofaza-qutqaruv arxeologiyasi va arxeologik monitoring
• O‘zbekiston va xorijiy ilmiy muassasalarning qo‘shma arxeologik ekspeditsiyalari

Geografik qamrov: O‘zbekiston Respublikasi hududi. O‘zbekistonning tarixiy-madaniy jarayonlari bilan bevosita bog‘liq bo‘lgan hollarda Markaziy Osiyo va unga tutash hududlarga oid qiyosiy arxeologik tadqiqotlar ham ko‘rib chiqilishi mumkin.

Xronologik qamrov: tosh davridan boshlab bronza va temir davrlari, antik davr, ilk o‘rta asrlar, rivojlangan va so‘nggi o‘rta asrlargacha.